Jaarprogram Julie 2019

Tot 1950 was die gebied ten Suide van Pretoria tot by Kemptonpark deel van die Gereformeerde Kerk Pretoria, die kerk in Kerkstraat, Pretoria by baie bekend as Oom Paul se Kerk. Die gemeente het in 1953 afgestig. Die Gereformeerde Kerk Lyttelton was tot 1966 bekend as die Gereformeerde Kerk Pretoria-Suid. Die kerkgebou is deur die argitek Johan de Ridder ontwerp. Lees meer die geskiedenis van die gemeente.
Deur die jare het die gemeente daarin geslaag om sy plattelandse karakter te behou. Dit is 'n tuiste vir oud en jonk. GK Lyttelton hou gereeld byeenkomste ter uitbouing van die gemeenskap van die gelowiges. Daar is die jaarlikse basaar, die dopperparlement se kamp vir die jong werkendes, die gemeentekamp in September, potjiekos kompetisie in Februarie, die diakens se snoekbraai en die Bybelstudies op Dinsdagoggende en Donderdagaande. Een maal per jaar gaan die Silwerkrone op 'n weeklange wegbreek nam Falon Glen. Dit is 'n geleentheid wat groot belangstelling lok en daar word weke vooraf daaroor gekoukus. 


Die kerkgebou is op die hoek van Stasiestraat en Monumentlaan in Lyttelton Manor, Centurion. Eredienste vind winter en somer om 09:00 en 18:00 plaas.

Ons pastoriegpaar is Ds Christo en mev Griet Swanepoel. Ds Swanepoel het voorheen in die GK Messina en Nylstrom gedien en is sedert 2 Augustus 2009 die leraar by Lyttelton. Die Gk Lyttelton bedien die volgende gebiede in Centurion: Doringkloof; Lyttelton; Hennopspark; Bronberrik; Al die Zwartkops uitbreidings; Die Hoewes; Centurion Stad; Highveld; Centurion Gholf Landgoed, Pierre van Ryneveld en Olifantsfontein. 

IMG 1286Katkisasie bly een van die hoekstene van ons Gereformeerde Etos en die nuwe katkisasie kurrikulum soos ontwikkel deur ARSO onder leiding van die Deputate vir Katkisasie van die Gereformeerde Kerke is aan die begin van die 2012 skooljaar by Lyttelton implementeer. Lyttelton heg groot waarde aan die opvoeding van die kinders in die Gereformeerde tradisie. Die kinders van ons gemeentelede is vir ons belangrik en ons aanvaar die verantwoordelikheid om te help grootmaak van ons verondskinders met liefde. Spesiale aandag word gegee aan veral die voorskoolse outjies. Die ouers van GK Lyttelton neem aktief deel aan die katkisasie.

 

 

Basaar 2018

Ons basaar het gekom en gegaan. Dit was soos in die verlede, een van die groot hoogtepunte op ons kalender. Ons verwag dat die opbrengs net so goed soos verlede jaar indien nie beter, sal wee nie. het nie Ons bedank al ons lidmate wat ‘n draai kom maak het en ook familie en vriende saamgebring het. Die Boerebraai van Vrydagaand was ‘n baie groot sukses n daar was ‘n hond uit ‘n bos gekuier. Die gehalte van die vleis was uitstekend en die saamkuier beter. Saterdagoggend se plaasontbyt is deur 150+ mense bygewoon. Ons sien uit na 2019 se basaar wat geskuif het na Augustus. Teken sommer nou al die datum aan.

Potjiekos-ete Saterdag 20 Julie

Kom kuier en eet Saterdagmiddag saam. Daar sal kaartjies @R50-00 per ete beskikbaar wees indien jy nog nie jou kaartjie gekoop het nie.

Opskeptyd sal wees vanaf 16h30.

 

Preke komende Sondag

Oggenddiens

Die Erediens word waargeneem deur ds. Christo Swanepoel.

Lees: Openbaring 14:6-13
Teks: Gelese gedeelte
Tema: God waarsku die mensdom finaal net voor die wederkoms.

Hoofpunte:

  1. Die eerste waarskuwing.
  2. Die tweede waarskuwing.
  3. Die derde waarskuwing.

Sing: Psalm 68:1 en 9; Skrifberyming 12-3:1 en 2; Psalm 139:1 en 12; Psalm 2:2 en 3; Psalm 2:6

Aanddiens

Die Erediens word vanaand waargeneem deur ds. Christo Swanepoel

Lees: Psalm 24
Teks: Psalm 24:9 en 10 Verbly julle, poorte, wees bly, eeue-oue deure, want die magtige Koning wil ingaan! Wie is Hy, hierdie magtige Koning? Die Here, die Almagtige, Hy is die magtige Koning. Sela

Heidelbergse Kategismus: Sondag 52 

Tema: God kan en wil en sal ons gebed verhoor.

  1. God kan verhoor
  2. God wil verhoor.
  3. God sal verhoor.

Sing: Psalm 103:1, 7 en 11; Psalm 24:1, 4 en 5; Skrifberyming 10-2; Psalm 72:1 en 11

FaLang translation system by Faboba